Este mes de xuño presentarase o documental Crear porvir. 75 anos de Editorial Galaxia, unha peza audiovisual que percorre a historia da editorial desde a súa fundación en 1950 ata a actualidade.
O equipo de Galaxia tivo a oportunidade de visualizar hai uns días, na súa sede, a versión final; dirixido por Ana Viqueira e Diego Frey, e producido por nós TV, o documental inclúe entrevistas a figuras destacadas da cultura galega e ofrece unha ollada ás etapas clave dun proxecto editorial comprometido coa lingua, coa literatura e co país. Ten unha duración de 45 minutos, Crear porvir é tamén unha reflexión sobre o futuro.
Ao longo do documental repásanse os fitos máis significativos destes 75 anos de traxectoria e o papel central que xogou Galaxia na construción dunha cultura galega viva e plural.
Proximamente anunciaranse as datas e lugares das primeiras proxeccións.
Produción executiva: Rosabel Candal, Diego Frey e Editorial Galaxia
Dirección: Ana Viqueira e Diego Frey
Realización: Diego Frey, Martín Rodríguez e Roi Barros
Axudante realización: Manuel Expósito
Guión: Ana Viqueira e Diego Frey
Creación de textos para voz en off: Ana Viqueira
Edición e montaxe: Diego Frey e Martín Rodríguez
Dirección de fotografía: Roi Barros
Operadores de cámara e iluminación: Roi Barros, Martín Rodríguez e Diego Frey
Produción: Ana Viqueira
Axudante produción: Rosabel Candal
Deseño de grafismos e creatividades: Roi Barros
Documentación: Ana Viqueira
Axudantes do documental: Roi Ribeira e Cristina de la Torre
Entrevistas: Ana Viqueira
Arquivo: Alba Gil, Rosabel Candal e Ana Viqueira
Locución de voz en off: Chelo Díaz