Empeza a rodaxe de ‘A Esmorga’

O director Ignacio Vilar, os tres protagonistas da película, Miguel de Lira, Karra Elejalde e Antonio Durán ‘Morris’, presentaron na compaña de Francisco Castro, en representación da Editorial Galaxia, o pasado mércores na Praza Maior de Ourense a rodaxe de ‘A Esmorga’ baseada na obra de Eduardo Blanco Amor e que, segundo adiantou Vilar, xa está en marcha dende hai varios días e que o vindeiro 11 de febreiro empezará a filmarse cos actores. Sinalou tamén que o 80% da ruta da Esmorga aparecerá na película e, naqueles espazos nos que non é posible, reproduciranse da maneira máis fidedigna.
A Praza Maior transformarase para voltar ao Ourense de hai 40 0u 50 anos, para rodar os exteriores, para o cal habilitaranse dúas das tendas máis coñecidas dos arredores da Casa do Concello. Aproveitarase que "a ruta da Esmorga consérvase casi na súa totalidade…prácticamente nun 80%" para que os planos reflictan a mesma e levarase a rodaxe, ademáis de As Burgas, á capela do Cristo, na Catedral, "algo que é a primeira ocasión no que se fai", logo de obter o permiso do Obispado.
Francisco Castro falou en representación da editorial Galaxia para subliñar "a ledicia de poder formar parte desta viaxe dirixida polo mellor dos comandantes".