A editorial lanza unha nova vía informativa que difundirá as noticias máis importantes do día: actos, efemérides, novidades editoriais… que recibirán nos seus teléfonos.
Galaxia abriu un canal de WhatsApp para comunicarse directamente coa comunidade. A través da aplicación de mensaxería, recibiranse as informacións máis importante do día. Un xeito de informarse da nosa actualidade de maneira cómoda e inmediata a través dos teléfonos.
Como podedes unirvos
Para acceder a este medio, tedes que ter actualizada a versión da app nos dispositivos móbiles. Este tipo de canle é unha nova modalidade que permite difundir mensaxes de forma unidireccional.
Podedes unirvos directamente premendo aquí.
Que contidos recibiredes
Cada día enviaremos un breve resumo da nosa actualidade cultural, novidades editoriais, efemérides e actos de presentación sobre as nosas publicacións.
Confidencialidade
As canles de WhatsApp son seguras, ningún usuario terá acceso aos datos persoais ou ao número de teléfono das persoas partipantes, polo que a experiencia será completamente confidencial.
Esta proposta supón un salto cualitativo na nosa maneira de informar e no noso xeito de nos comunicar coas lectoras e lectores. Unha forma de tender pontes para que todas as usuarias poidan achegarse á nosa realidade diaria dun xeito dinámico e fresco.
A comunidade ligada ás nosas redes sociais, que suma máis de 37.000 seguidores, facilitará o xeito de estar en contacto coa nosa actualidade.
