O Conselleiro de Cultura e Turismo da Xunta de Galicia, en entrevista recollida no Faro de Vigo do pasado 23 de abril, apuntou as primeiras liñas da súa filosofía, concorde co rumbo que pretende imprimir ao destino colectivo o presidente Núñez Feijoo.
“A mí el concepto que me gusta es el de la cultura hecha en Galicia, no el de la cultura gallega, porque la cultura gallega está muy bien pero limita un poco”, declarou o conselleiro. Mágoa que non lle preguntasen tamén polas súas preferencias en relación cos conceptos de “cultura española” ou “cultura anglosaxona”, perspectiva que acaso a Roberto Varela non lle resulte tan pobre como a de “cultura gallega”.
Transformado o bilingüismo castelán-español de Galicia Bilingüe no trilingüismo amábel de Núñez Feijoo, a cultura da Xunta será un produto feito-hecho-made in Galicia. Pero nós, que somos multitude incontábel, continuaremos a traballar co entusiasmo e a intelixencia de sempre no eido universal da cultura galega.
Menu
Menu
