O prazo para presentar os traballos estará aberto ata o 15 de setembro.

A Academia Xacobea convocou a segunda edición do premio de novela Camiño de Santiago. O prazo para presentar as propostas estará aberto ata o 15 de setembro. Poden ser tanto en galego coma en castelán e a condición é que a ruta xacobea estea presente de maneira notoria. A gañadora ou gañador recibirá 3.000 euros e a obra será publicada pola Editorial Galaxia. Tamén haberá a posibilidade de entregar un accésit, que será para a mellor obra redactada no idioma que non obteña o primeiro premio.

O certame literario foi presentado onte nun acto co presidente da Academia Xacobea, Xesús Palmou; o vicepresidente da entidade, Marcelino Agís, o secretario xeral de Política Lingüística, Valentín García, e o director de edicións de Galaxia, Carlos Lema. O premio literario conta tamén co apoio de Aluminios Cortizo.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR