Frank Soutelo é o heroe dos mitómanos, dos cinéfilos, dos homes parcos pero sempre coa palabra oportuna na boca, case sempre irónica, con dobre sentido. Herdeiro directo de sabuxos duros pero ao mesmo tempo elegantes e atractivos, como Sam Spade, Philip Marlowe ou o televisivo Mike Hammer. Prototipo, en fin, do detective americano, aínda que de pai de Soutelo de Montes e nai de Muros, só lle faltaba vir a desenvolver a súa labor policial a Galicia. Con LUME DE COBIZA, trama negra autóctona cento por cento, Frank Soutelo convértese por dereito propio no primeiro e xenuíno detective galego, facendo do seu autor un clásico do xénero.
Menu
Menu
