Autor/a destacado/a:
Convócase o Premio Literario Illa Nova de Narrativa 2022
14/10/21

A Editorial Galaxia convoca a sexta edición do Premio Literario Illa Nova de Narrativa 2022 para autores e autoras menores de 35 anos co obxectivo de estimular a creación. En 1957 a Editorial Galaxia botou a andar a colección Illa Nova, coa que pretendían dar continuidade ao proxecto da editora a través das novas xeracións, sempre con vontade de renovación. Xohana Torres, Xosé Luís Méndez Ferrín, Xosé Luís Franco Grande, Bernardino Graña, Camilo Gonsar, María Xosé Queizán ou Carlos Casares foron algúns deses novos valores que publicaron na colección onde saíron algunhas das principais obras do que se deu en chamar “Nova Narrativa Galega”. Con esta mesma finalidade de abrir un camiño a quen está comezando no mundo da creación literaria, en 2017 nacía o Premio Illa Nova de Narrativa, que este ano acada a súa sexta edición. Este premio concederase de acordo coas seguintes BASES: 1º Poderán optar ao premio as persoas menores de 35 anos na data de finalización do prazo de admisión de orixinais, de calquera nacionalidade ou procedencia, sempre que as obras se presenten en lingua galega, conforme á normativa vixente, sexan orixinais, rigorosamente inéditas e non fosen premiadas en ningún outro certame, nin en parte nin na súa totalidade. 2º Poderán concorrer novelas ou un conxunto de relatos cunha extensión mínima de 80 páxinas, tamaño DIN A4, mecanografadas en Times New Roman 12 a dobre espazo. Deberán enviarse seis copias impresas, encadernadas ou cosidas, ao enderezo:

Premio Illa Nova de Narrativa,

Travesía de Vigo, 71, soto,

36206 – Vigo.

O prazo de admisión de orixinais pecharase o 14 de febreiro de 2022. 3º Os orixinais irán asinados cun pseudónimo e un lema, que aparecerán tamén no exterior dun sobre que debe conter no interior os seguintes datos: nome, apelidos, enderezo, fotocopia do DNI e teléfono de contacto. 4º O xurado estará composto por lectores/as e persoas do mundo cultural e literario galego. Sempre que sexa posible, serán un total de cinco membros e un secretario ou secretaria en representación da Editorial Galaxia con voz, pero sen voto. 5º O premio outorgarase á obra que por unanimidade ou, no seu defecto, por maioría de votos, sexa considerada merecedora da distinción. O xurado pode declarar deserto o premio. 6º A decisión do xurado será inapelable e farase pública nun acto en Vigo, sempre que as condicións sanitarias o permitan, que se celebrará na primavera de 2022, reservando a entidade organizadora o dereito a modificar esta data ou lugar se así o considera. 7º Entregarase un único premio, indivisible, de 3,000 euros (suxeitos ás retencións fiscais correspondentes). O autor ou a autora recibirá, ademais, unha escultura simbólica conmemorativa do Premio Illa Nova de Narrativa. A cantidade recibida computará en concepto de adianto de dereitos de autoría. 8º A obra premiada será editada e comercializada pola EDITORIAL GALAXIA na súa colección Literaria. 9º Os orixinais non premiados serán destruídos se despois de 1 mes da decisión non son retirados. 10º A Editorial Galaxia reserva, durante o prazo de 1 mes a partir do día en que se faga pública a decisión, un dereito de adquisición preferente da edición de calquera obra presentada ao premio que, sen alcanzar o galardón, sexa considerada de interese, previa subscrición do oportuno acordo entre as partes. 11º A participación neste premio implica a plena e total aceptación destas bases.

Hoxe presentamos, “Polos vieiros do Fabulador”, de Cunqueiro

Hoxe presentamos, na sala Rosalía da Deputación de Pontevedra, en Vigo, Polos vieiros do Fabulador. Cunqueiro e Pontevedra, de Álvaro Cunqueiro. Este libro é o resultado dunha escolma de textos de Cunqueiro, que fan referencia á provincia de Pontevedra e ás súas vilas, tradicións, gastronomía e paisaxes. Un paraíso cultural, turístico, paisaxístico e gastronómico que plasmou, …

“Memorias dun neno labrego” será traducido ao inglés por Small Stations Press

Memorias dun neno labrego, a obra mestra de Xosé Neira Vilas, que este 2021 cumpriu 60 anos desde a súa publicación en Bos Aires, será traducido ao inglés pola editorial Small Stations Press. Baixo o título de Memoirs of a Village Boy, en tradución de John Rutherford, profesor da Universidade de Oxford e fundador do primeiro …

Hoxe celebramos o Día das Escritoras

Hoxe é o Día das Escritoras, unha conmemoración internacional que busca recuperar o legado das autoras e facer visible o seu traballo. Está é uha celebración que loita por visibilizar o papel das autoras no ámbito da literatura e combater a discriminación histórica. A literatura escrita por mulleres pon, en moitas ocasións, o foco nas …

Xesús Fraga gaña o Premio Nacional de Narrativa 2021 con “Virtudes (e misterios)”

Acabamos de saber que Xesús Fraga vén de gañar o Premio Nacional de Narrativa 2021 pola súa obra Virtudes (e misterios). Unha gran noticia e un galardón máis que se suma ao libro gañador do Premio Blanco Amor 2019. Este premio, concedido polo Ministerio de Cultura e Deporte, está dotado con 20.000 euros. O xurado …

Presentación de “Baixo as alas de abril”, en Santiago de Compostela

O xoves 14 de outubro, celebrarase, ás 19:30 h, a presentación de Baixo as alas de abril, de Xoaquín Fernández Leiceaga, na libraría Couceiro, en Santiago de Compostela. Acompañando o autor, asistirá o alcalde de Santiago de Compostela, Xosé Sánchez Bugallo, e Dolores Vilavedra en representación da Editorial Galaxia. Esta é unha novela de intriga …

Galaxia celebra o Día da Ciencia en Galicia

Cada 8 de outubro celébrase o Día da Ciencia en Galicia, unha data que lembra a importancia de resaltar o labor de todas e todos os profesionais deste eido. O seu principal obxectivo é o de salientar a difusión do coñecemento científico no idioma galego e poñer en voga as achegas dos galegos á ciencia …

Presentación de “Vermellos e laicos”, en Allariz

O venres 8 de outubro, celebrarase, ás 19:30 h, a presentación de Vermellos e laicos, de Narciso de Gabriel, na Fundación Vicente Risco, en Allariz. Acompañando o autor, estarán o presidente da Fundación Penzol, Manuel Puga, e Antón Vidal Andión, presidente da Editorial Galaxia. Vermellos e laicos inaugura a colección Memoria Histórica de Editorial Galaxia. …

A novela “Eternity”, de Xosé Monteagudo é a gañadora do XV Premio Repsol

 A obra Eternity de Xosé Monteagudo resultou gañadora da XV edición do Premio Narrativa Breve Repsol en Lingua Galega. Así o comunicou esta mañá o voceiro xurado, Xavier Senín, na sede da Real Academia Galega na Coruña  O acto do ditame contou coa presenza de representantes das entidades participantes do premio, o secretario xeral de …

O mércores inauguramos o novo obradoiro da Escola de Letras, con Diego Giráldez

O vindeiro mércores 6 de outubro comeza o novo obradoiro con Diego Giráldez, da Escola de Letras, en Pontevedra. A Escola de Letras da Deputación de Pontevedra e a Editorial Galaxia continúa a súa traxectoria cun novo Obradoiro Literario, esta vez, con Diego Giráldez. Durante cinco sesións, que comezarán este mércores e se levarán a …

Hoxe celébrase o Día Mundial dos Animais

Hoxe é o Día Mundial dos Animais, unha data na que celebramos a vida animal en calquera das súas formas. O propósito central deste día é lembrar a importancia de todas as especies animais con quen compartimos o planeta. A través deste tipo de celebracións, búscase crear unha nova cultura do respecto e sensibilidade cara …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR