Dúas novidades de Galaxia serán as protagonistas da xornada deste martes na Feira do Libro da Coruña. Por unha banda, o historiador Xosé Ramón Barreiro Fernández estará a partir das 19:30 h asinando exemplares do seu último libro, a xa imprescindible biografía de Murguía.

A continuación, ás 20:00 h, terá lugar a presentación da nova novela de Xosé Neira Vilas, Esperando o leiteiro, un monólogo sen pausas no que narra a vida dun mozo campesiño mentres agarda para iniciar a viaxe que, a mediados do século XX, o ha levar da súa aldea a Buenos Aires. O autor estará acompañado por Víctor F. Freixanes, director xeral de Galaxia. Tamén vai participar a actriz Isabel Martínez-Risco, que lerá algúns fragmentos do libro.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR