A exposición sobre Luísa Villalta Gómez (A Coruña, 1957-2004), poeta homenaxeada na festa das Letras, que repasa a traxectoria biográfica e profesional da polifacética escritora da Cidade Alta, xa está dispoñible na nosa sede MaisGalaxia.
Podedes visitala premendo aquí. Esta iniciativa nace co fin de axudar a comprender quen foi, que nos deixou e que implica a figura de Villalta no panorama cultural contemporáneo de Galicia.
O proxecto componse de 14 paneis que repasan, mediante textos divulgativos e unha ampla información visual, a súa traxectoria vital, intelectual e profesional, facendo parada especial na súa relación coa Coruña, con versos dos seus poemarios e fotografías de Xurxo Lobato.
Os paneis compleméntanse con mesas-vitrina, documentación e obxectos relacionados coa poeta, que completan a información.
