Á sombra dos bonsais

Antón Riveiro Coello

Non sempre as grandes historias precisan de moitas palabras.

Velaquí o punto de partida desta nova achega narrativa de Antón Riveiro Coello, que propón un xogo literario para contarnos o mundo en textos cada vez máis miúdos. Nesta disposición en árbore, coas pólas baixas máis grandes cás do cumio, os relatos vanse reducindo en extensión pero non en intensidade. Ese é un dos maiores engados do libro, a eficacia coa que o autor da Limia elabora historias enormes coa suxestión de textos a cada volta máis pequenos. Esa capacidade de concentración expresiva dos relatos, que xa nacen no título, remata case sempre con finais que provocan en quen le un sorriso, ou un abraio. Orixinalidade, concisión e un pulso coa narrativa curta que anima a ler o libro dunha sentada.

Recensións


Detalles

  • Páxinas : 212
  • Deseño : Rústica con lapelas
  • Dimensións : 135 x 210
  • Data Publicación : 28/09/2017
  • Colección : Literaria
  • Editorial : Galaxia
  • ISBN : 978-84-9151-073-4
  • Edición : 1ª ed. 1ª impr.
  • Nº na colección : 362
  • Observacións :

Noticias relacionadas


Obras do autor en catálogo

homonimaHomónima16,00€
animaliaAnimalia11,80€

Actividades relacionadas


Novidades

latexo-beatLatexo BeatFestival Internacional Kerouac Vigo
corpo-de-antiochiaCorpo de antiochiaTamara Andrés
leonardo-e-os-fontaneiros-2017Leonardo e os fontaneirosMaría Victoria Moreno
a-sombra-dos-bonsaisÁ sombra dos bonsaisAntón Riveiro Coello
e-habera-tiron-de-orellas-2017E haberá tirón de orellas?María Victoria Moreno

riveiro coello

Riveiro Coello, Antón
Naceu en Xinzo de Limia, no ano 1964. Cursou estudios de Dereito na Universidade de Santiago e actualmente traballa na administración autonómica. Riveiro Coello é un dos narradores máis premiados dos xurdidos na literatura galega durante a pasada década. Ademais dun gran número de relatos en libros colectivos e revistas literarias ten publicadas as novelas Valquiria (1993, premio Camilo José Cela), A historia de Chicho Antela (1997), A quinta de Saler (1999), coa que foi finalista do premio Torrente Ballester, así como as recompilacións de relatos Parque Central(1996) e Airadas de palabras (1998), onde se recollen os contos que lle foron premiados nos certames Manuel Murguía e Modesto R. Figueiredo entre os anos 1991 e 1997. Con Animalia (2000) obtivo o premio Café Dublín corrrespondente a 1999. As rulas de Bakunin recibiu o premio García Barros en 2000, ano no que tamén logrou o Álvaro Cunqueiro de Narrativa con Homónima.

En 2007 publica en Galaxia A voz do lago, novela coa que se adentra na creación literaria para os lectores máis novos, e na colección Literaria Os ollos de K.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR