Estás aquí:

Código: 1959

Memoria de poeta

Álvarez Cáccamo, Xosé María

29,40 € IVE INCLUIDO

A obra poética é a auténtica memoria do poeta.

Xosé María Álvarez Cáccamo, unha das voces senlleiras da poesía galega contemporánea, sen cuestionar que realmente a obra poética dun autor é a súa verdadeira memoria, escribe estoutra memoria posible. Literatura e vida comparten espazo en Memoria de poeta: a infancia e o mundo dos escritores amigos da familia, a primeira escrita febril e os anos universitarios, o oficio de poeta e o compromiso coa lingua, a enerxía do amor e a preocupación social. Da década de 1960 ao movemento Nunca Máis, unha época fundamental é relatada desde a experiencia do poeta e do home.

Comparte nas túas redes sociais ou por email

Detalles do libro

Páxinas: 500

Deseño: Rústica con lapelas

Data Publicación: 01/04/2006

Dimensións 135 x 210 mm.

Colección: Memoria

Nº na colección:

Edición: 1ªª

Editorial: Galaxia

ISBN: 978-84-8288-892-7

Observacións: Andrea Barreira Freije/Antón Riveiro Coello/Anxos Sumai/Helena Villar Janeiro/Inma López Silva/Marilar Aleixandre/Rosalía Fernández Rial/Vanesa Santiago/Xabier López López

AUTORES/AS

Álvarez Cáccamo, Xosé María

Naceu en Vigo en 1950. Estudou Filoloxía Románica na Universidade de Santiago de Compostela e dende 1973 exerceu de profesor de Literatura en varios institutos de Galicia. Destaca como poeta, aínda que tamén publicou relatos breves, algunha peza teatral e textos para o público infantil. Como ensaísta centrouse na poesía galega da segunda metade do século XX, con estudos como Vida de Antón Avilés de Taramancos. A comezos do 2006 publica en Galaxia as súas memoria baixo o título de Memoria de poeta.

Da súa obra lírica destacan os poemarios Luminoso lugar de abatimento, Premio Esquío 1986, e Calendario perpetuo, Premio da Crítica de Galicia 1998. Formou parte dos consellos de redacción dos suplementos Galicia Literaria de Diario 16 de Galicia e Faro das Letras de Faro de Vigo. Foi membro do Foro da Cultura e na actualidade forma parte do consello de redacción da revista Grial e do colectivo Burla Negra. Premio da Cultura Galega 2018 na modalidade de letras.