Xa se pode escoitar, de balde, a música de “Lingua guapa” en todas as plataformas

A música de Lingua guapa. Cantos que contan xa se pode escoitar en todas as plataformas dixitais.
Pertencente á colección Sonárbore, é un libro-disco, con textos de Fina Casalderrey, musicado por Néstor Blanco e enriquecido coas cores de Lucía Cobo, a ilustradora. Un agasallo de luxo para este nadal.
Está dispoñible en Spotify, Itunes, Youtube… que mellor maneira de voar por todas as músicas do mundo que a través deste fermoso libro? Cheo de música e cor, é unha invitación a soñar e cantar, en galego.