Velaí vai o verme

Naceu no Barrio de Abaixo de Lalín, na casa do Mazaroco. El; Secundino Pérez, fora o taxista do Seminario de Estudos Galegos polas terras de Deza e, cando fixo os seis meses, empezouno a levar de copiloto. As súas fillas líanlle contos case todos os días e hoxe manteñen moita memoria da súa infancia. Hai pouco contáronlle unha das súas primeiras «mentiras». Andaría el nos seis anos e latou a escola por primeira vez. Seus pais pedíronlle unha explicación e el deulla: «Fun pescar troitas a unha silveira». Non sabe se o creron, pero tampouco non recorda que lle preguntasen se pillara algunha… Visto agora, iso de pescar troitas nunha silveira non lle parece unha mala definición da súa afección literaria.