Estás aquí:

Código: 1960

Laio polo irmán ausente. Castelao no epistolario de Otero Pedrayo e outras voces

Alonso Montero, Xesús

16,65 € IVE INCLUIDO

En edición ao coidado do profesor Xesús Alonso Montero, Editorial Galaxia publica a correspondencia escrita arredor da enfermidade e da morte de Castelao. Un feito que fixo abalar a comunidade galeguista tanto no exilio americano coma en Galicia e que fai desenvolver unha intensa actividade epistolar da que é centro principal Ramón Otero Pedrayo. Un testemuño emocionante, de gran valor documental e literario.

Reúnese en Laio polo irmán ausente un epistolario que abrangue desde 1942 ata 1975 e no que participan, amais de Otero Pedrayo, persoeiros e escritores coma Manuel García Barros, Valentín Paz Andrade, Florentino López Cuevillas, Ben-Cho-Shey, Rodolfo Prada, Vicente Risco, Fernández del Riego ou Ramón Cabanillas, entre outros. Xa desde meses antes do falecemento de Castelao se producen unha constelación epistolar que ten como centro a Ramón Otero Pedrayo. Cartas valiosas e conmovedoras dirixidas a dona Virxinia, ás irmáns de Castelao, aos camaradas da diáspora a aos do exilio interior.

A través deste libro pódese reconstruír, dada a súa relevancia documental e literaria, o universo espiritual da irmandade galeguista no momento da desaparición da súa personalidade máis emblemática. Un tempo e un feito cruciais para a historia de Galicia e da cultura galega.

Comparte nas túas redes sociais ou por email

Detalles do libro

Páxinas: 176

Deseño: Rústica con lapelas

Data Publicación: 23/06/2006

Dimensións 21 x 14 mm.

Colección: Memoria

Nº na colección:

Edición: 1ª

Editorial: Galaxia

ISBN: 978-84-8288-929-0

Observacións:

AUTORES/AS

Alonso Montero, Xesús

(Vigo, 1928), filólogo, ensaísta e polígrafo, catedrático emérito da USC e doutor honoris causa pola UNED, foi presidente da Real Academia Galega (2013-2017). A súa ampla obra abrangue distintos campos temáticos, entre as que se poden salientar: Informe –dramático– sobre la lengua gallega (1973), As palabras no exilio. Biografía intelectual de Luís Seoane (1994), Oteriana (Galaxia, 2000), Curros Enríquez no franquismo (1936-1911) (2003), Laio polo irmán ausente. Castelao no epistolario de Otero Pedrayo e outras voces (Galaxia, 2006), A batalla de Montevideo (2003), Os escritores galegos ante a Guerra Civil española. 1936-1939 (Galaxia, 2001), Ramón Piñeiro ou a reinvención da cultura galega (Galaxia, 2009) Aníbal Otero. Lingüística e política en España na Guerra Civil e no franquismo (2011, Premio Losada Diéguez, 2012) e Florencio Delgado Gurriarán. Poeta na terra, na guerra e no exilio (Antoloxía poética) (Galaxia, 2022).