Institucións docentes e grandes mestres en Ourense. 1845-2005
Este libro, publicado coa colaboración da Deputación de Ourense, introduce o lector no ámbito das institucións docentes da cidade das Burgas.
O papel dos mestres, a incorporación das mulleres á docencia e a documentación e as publicacións xeradas polos centros de ensino son algunhas das pescudas realizadas por Enrique Bande, que foi catedrático de Xeografía e Historia no Instituto Otero Pedrayo e actualmente é director da Biblioteca Provincial.
Enrique Bande Rodríguez, director da Biblioteca da Deputación de Ourense, ex catedrático de Xeografía e Historia do I.E.S. Otero Pedrayo de Ourense, ex director do Arquivo Histórico da Diócese de Ourense, é membro do Instituto Padre Sarmiento de Estudios Galegos, do Museo do Pobo Galego, da Fundación Castelao, da Fundación Alexandre Bóveda, do Centro de Estudios Chamoso Lamas do Carballiño etc. Historiador e etnógrafo, ten publicado máis de trinta libros e centos de artigos de investigación e divulgación en revistas especializadas. A súa presenza en congresos, a participación nos medios de comunicación e a súa actividade en distintos frentes culturais, preséntanos a Enrique Bande como referente nos eidos de historia local.
