Epistolario Xosé Mª Díaz Castro

20,75€

mercar

Epistolario

Xosé María Díaz Castro

Neste volume reúnese un conxunto epistolar de preto de medio centenar de textos, conxunto que abrangue un arco temporal que vai dende os días da Segunda República, concretamente dende a primavera e 1936 ata 1989, poucos meses antes do pasamento do poeta Xosé María Díaz Castro. A edición correu a cargo do crítico e profesor Armando Requeixo, quen xa se encargara antes da edición da obra completa e mais da biografía do poeta ao que se lle dedicou o Día das Letras Galegas de 2014.

Para calquera escritor, a recuperación e publicación das cartas que enviou e recibiu a través dos anos é fundamental, pois moitas cuestións literarias poden ter —e habitualmente teñen— a súa pertinente aclaración na correspondencia dos autores. Díaz Castro non é nisto unha excepción e aí reside a razón de ser da presente obra: exhumar as misivas coñecidas de contido literario das que o autor de Nimbos participou como emisor ou como receptor.
Este Epistolario compila todas as cartas de interese literario cruzadas entre Xosé María Díaz Castro e outros autores ao longo de varias décadas. Nelas trátanse asuntos relevantes de xorne crea tivo e biográfico, de interese non só para a reconstrución de episodios decisivos da vida e obra do escritor de Guitiriz, senón tamén para o mellor coñecemento de interlocutores como Ricardo Carballo Calero, Xosé Díaz Jácome, Francisco Fernández del Riego, Luís González Tosar, Aquilino Iglesia Alvariño e Ramón Piñeiro, entre outros. A lectura destas cartas achega novas importantes sobre a poética de Díaz Castro, o envío de colaboracións aos medios, opinión lingüísticas diversas, a xestación e recepción das edicións de Nimbos, o seu nomeamento como correspondente da Real Academia Galega ou a súa participación en acontecementos literarios. Considerados no seu conxunto, estes textos fornecen unha documentación privilexiada para contextualizar a obra literaria do escritor e a relación mantida con outros autores do seu tempo.

Recensións


Detalles

  • Páxinas : 240
  • Deseño : rústica con lapelas
  • Dimensións : 135 x 210
  • Data Publicación : 2014-11-25
  • Colección : Memoria
  • Editorial : Galaxia
  • ISBN : 978-84-9865-575-9
  • Edición : 1

Noticias relacionadas



Actividades relacionadas


Novidades

grial-229Grial 229 VV.AA.
9788491516101A fuga de GuillermoHelena Villar Janeiro

diaz castro

Díaz Castro, Xosé María
Xosé María Díaz Castro (Guitiriz, 1914 - Lugo, 1990) é un dos poetas fundamentais da literatura galega de posguerra. A súa obra poética deuse a coñecer amplamente logo de ser incluída na Escolma de poesía galega de Francisco Fernández del Riego, publicada por Editorial Galaxia en 1955.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR