Olo-Iepu-Iepu
Menu
Menu
Daniel é un neno que sabe mirar doutra maneira o mundo e rir, tamén para dentro. En realidade, chámase Alfonso Daniel Manuel Rodríguez Castelao, aínda que será lembrado como Castelao. Vive en Rianxo, pero vai ter que emigrar á Arxentina coa súa nai, pero antes quere debuxar todos os lugares e as persoas que coñece, para non esquecer anda. A súa amiga, Baltasara, que sabe de contos e de misterios, proponlle algo especial, algo que só el pode facer nas hroas antes de marchar: quitarlle o feitizo á Dona Encantada, que se agocha na cova dos Carcamáns.
Paula Carballeira (Maniños, Fene, 1972) é licenciada en Filoloxía e cun curso de Especialización en Arte Dramática, narradora oral profesional desde 1994, actriz, directora e escritora. Candidata dous anos consecutivos ao Astrid Lindgren Memorial Award, ten unha ampla produción literaria en narrativa e teatro, aínda que tamén escribe poesía e ensaio. Moitos dos seus libros foron premiados e traducidos a diferentes idiomas.
Como actriz, é membro da compañía teatral Berrobambán desde 1996 e participou en varias series e programas da Televisión de Galicia. Como dramaturga recibiu o Premio Nacional de Literatura Dramática no ano 2023 por As alumnas, publicado en Editorial Galaxia, onde tamén publicou Daniel no peirao (2023), un texto de teatro infantil arredor dun episodio da infancia de Castelao, ademais de Nunca mascotas (2016), O lobishome de Candeán (2012) e As outras historias (2011), entre outros.
Foto da autora ©distrito xermar
