Adiviñas
ESGOTADO
Ler para xogar. Fedellar pensamentos para atopar solucións. A quen non lle gusta gozar das palabras que parece que significan outra cousa e que nos levan por moitos camiños? E se ademais riman, xa é perfecto. Porque unha adiviña é unha porta aberta á felicidade de descubrir. A autora ofrécenos vinte e oito adiviñas co recendo fermoso da literatura popular, moi sinxelas e breves pero, sobre todo, moi suxestivas e gozosas.
Palmira González Boullosa (Vigo, 1941-2017) foi mestra e directora do Colexio Andersen de Vigo durante 18 anos. É especialista en literatura de tradición oral, sobre todo na recuperación do folclore infantil.
Publicou, entre outros, A princesa Lúa e o enigma de Kian (1988), Brandol, fillo de Ferreol (1993) e Asoladamente, o teu nome (1993).
