Presentación do novo libro de Benigno Campos en Bueu

Categoría: Nova

COCIÑANDO CON BENIGNO CAMPOS presentarase en Casa Quintela de Bueu (Rua Eduardo Vincenti, 24) este martes ás 20 horas, nun acto organizado en colaboración coa librería Miranda.
Este é o cuarto libro dun dos autores que máis éxito teñen acadado en vendas en Galicia en todos os tempos. Parte do éxito pode explicarse nas palabras de Xavier Castro, experto en cociña galega e autor do limiar do libro: ""A culinaria do larpeiro caracterízase polo emprego preferente de produtos galegos de calidade, frescos, do contorno próximo e de tempada. É unha cociña tradicional, democrática, pois emprega ingredientes accesibles e doados de encontrar, honesta, de espírito cordial, como era de agardar nun home cálido, simpático e próximo, que gusta da convivencia coa xente e das lerias desenfadadas despois de xantar".
O traballo fotográfico das receitas, fermoso e delicado, é obra do fotógrafo e músico Nando Iglesias.

Comparte nas túas redes sociais ou por email