Hoxe recibimos a noticia do pasamento de Arcadio López-Casanova (Lugo, 1942), aos 79 anos de idade, en Valencia.
Recibiu o Premio da Cultura Galega 2011 na categoría de Letras. En 2021, foi elixido membro honorífico da Real Academia Galega polos seus méritos como escritor, ensaísta e poeta.
Na Editorial Galaxia publicou o poemario Noite do degaro, un banzo máis na complexa e rica traxectoria poética de López-Casanova.
O seu estilo centrábase no dramatismo do paso do tempo, a ansia por preservar a inocencia infantil e a comprensión humana do evento traumático que é a morte.
Unha figura singular, cunha grandísima visión poética.
Dende a familia da Editorial Galaxia sumámonos ás mostras de dor polo seu falecemento e mandámoslle a todos os que o quixeron e admiraron, todo o noso agarimo.
