Máis de 25.000 exemplares de 'Novas receitas da cociña de Larpeiros'

Categoría: Nova

Estes días chega ás librerías unha nova edición do libro do cociñeiro Benigno Campos, 'Novas receitas da cociña de Larpeiros', situándose así o libro nunha marca que supera os 25.000 exemplares. Como xa sucedera co seu primeiro libro, e tamén co terceiro, esta entrega das súas receitas, desta volta publicadas cun CD que recolle a música que ao cociñeiro gusta interpretar no seu programa, segue manténdose a pesar de que hai case que catro anos que saiu do prelo, entre os máis vendidos do noso país.
A 'receita' para o éxito, a que xa sabemos e a que é marca de identidade do seu traballo culinario: preparación sinxela e reivindicación dos produtos galegos de toda a vida.
O éxito da cociña de sempre. O éxito de Benigno Campos de sempre.

Comparte nas túas redes sociais ou por email