Este catálogo de lecturas recomendadas para educación primaria de Editorial Galaxia quere proporcionar ás mestras, mestres, bibliotecarias e bibliotecarios dos centros escolares galegos e responsables dos clubs de lectura, unha selección de obras de referencia para o fomento da lectura na nosa lingua, a educación literaria e a comprensión lectora.
Podedes ollalo clicando aquí.
Na actualidade, o maior peso da formacións dos futuros lectores e falantes da nosa lingua recae nos centros, polo que tentamos con esta guía facilitar o traballo dos educadores e educadoras.
A selección organizase por idades, mais dun xeito flexible pois, a capacidade lectora de cada neno ou nena varía en función de moitos factores, indicando ademais os temas de referencia de cada libro.
Ofrécense libros das temáticas e os xéneros máis variados, poesía, teatro, novela e xogos coa lingua. Cada lector ou lectora poderá atopar aquí un libro que o marcará para sempre.
Ademais, na web de Editorial Galaxia, tanto no apartados de materiais como na ficha específica de cada un dos libros deste catálogo, atoparase a partir de setembro unha detallada guía didáctica con exercicios, comentarios e actividades para os lectores e lectoras.
