A segunda edición do Premio de Ensaio Camiño de Santiago, que convocou a Academia Xacobea coa colaboración da Consellería de Cultura e o patrocinio de Aluminios Cortizo, xa ten gañadora. O xurado integrado por Marcelino Agís Villaverde (presidente), Ulises Bértolo (secretario) e María Josefa Sanz Fuentes, Milagros Otero Parga, Xosé Ramón Rodríguez Lago e Armando Requeixo (vogais) decidiu galardoar a Laura Méndez Vergel pola obra O Camiño de Santiago: guía de guías.
Laura Méndez (Zamora, 1990), residente na capital galega dende o ano 2018, é a gañadora da segunda edición do Premio de Ensaio Camiño de Santiago pola súa obra O camiño de Santiago: guía de guías.
A autora, graduada en Historia da Arte na Universidade de Salamanca e cun máster en Estudios Medievais Europeos da USC, é agora contratada predoctoral FPU no Programa de Doctorado en Estudios Medievais da institución compostenala, no grupo de investigación Iacobus.
A súa tese está asentada na historia das mentalidades xa que ademais de analizar as formas, tamén trata as ideas, situando o camiño non só como un lugar físico, senón ideolóxico. A obra aséntase en catro conceptos: o individualismo, as motivacións do Camiño, o Camiño en si mesmo e a creación. Trátase dunha guía de guías, que pode funcionar como metodoloxía académica, valendo de soporte para estudar outros tempos e ideas.
