Servino Consulting, Editorial Galaxia e Grupo Chicolino presentan o luns,24 no Fórum Gastronómico da Coruña un proxecto enogastronómico editorial conxunto:
"De Galicia a Beijing, Gourmand CookbookAwards".
O obxectivo final: Beijing Cookbook Fair. Maio, do 19 ao 24
'A Guía dos Viños de Galicia', de Luís Paadín; 'Cociñar con Algas', de Eva Crespo e 'A Cociña dos Cunqueiro', de Elvira González-Seco Seoane fúndense con seis sesións de cociña e maridaxes con viños, todo 100% feito en Galicia.
O evento celebrarase o luns,24 de 12 a 14 e de 17 a 19 no estand de Servino no Fórum
Galicia Punto Tres
O Fórum Gastronómico da Coruña contará cun espazo de maridaxes galego ao cento por cento. Galicia.3 é un proxecto que conxuga sensibilidades importantes da enogastronomía galega, da restauración e da edición.
Galicia.3 pivota sobre tres libros editados en Galicia e que acaban de ser nominados nos Gourmand World Cookbook Awards como os mellores libros de Viños e Gastronomía editados en España en 2013.
'A Guía dos Viños de Galicia', de Luís Paadín; 'Cociñar con Algas', de Eva Crespo e 'A Cociña dos Cunqueiro', de Elvira González-Seco Seoane estarán ondeando no Pavillón de Galicia na máis importante feira do mundo no mercado dos dereitos de traducción de libros de Viño, Gastronomía e Turismo, a Beijing Cookbook Fair que se celebrará na capital chinesa entre o 19 e o 24 do vindeiro mes de Maio.
Galicia-A Coruña coma Punto de Saída
O Fórum Gastronómico da Coruña (23 a 25 de febreiro) servirá para iniciar este proxecto que conxuga os esforzos de Servino Consulting e Editorial Galaxia, empresas editoras dos libros de referencia co do experimentado Grupo Chicolino na súa división de restauración.
O luns 24 (en horario de mañá e tarde; de 12 a 14 e de 17 a 19h.) Eva Crespo preparará algunha das 80 receitas que figuran no seu libro 'Cociñar con Algas'. Os pratos estarán maridados cos Viños Galegos que Luís Paadín seleccionará entre os mellores da súa 'Guía de Viños de Galicia'. O mesmo fará Miguel Mosteiro, cociñeiro xefe do Grupo Chicolino, preparando algún das receitas de 'A Cociña dos Cunqueiro', unha selección de receitas dos 10 libros de cociña que Elvira González-Seco Seoane (a dona de Álvaro Cunqueiro) legou ao seu fillo César; estes pratos maridarán tamén cos Viños de Galicia que Luis Paadín elixa para a ocasión.
Os libros poderanse mercar no estand que Galicia.3 terá no Fórum. O luns 24, Eva Crespo e Luis Paadín firmarán exemplares das súas obras.
Notas sobre os Premios Gourmand.- (Fundados en 1995 por EdouardCointreau, os GourmandWorldCookbooksAwards están considerados como o máis importante certame mundial de libros sobre gastronomía e viño; son os Óscars do sector editorial agroalimentario, que recoñecen a produción editorial gastronómica de todo o mundo, recompensando cada ano aos mellores libros de cociña e de viño de todo o mundo. Anualmente compiten uns 8.000 libros, de más de 150 países y en 40 linguas diferentes).
