Jonathan Dunne estudou Filoloxía Clásica na Universidade de Oxford e conta con diplomas avanzados de galego e castelán das universidades de Santiago de Compostela e Barcelona. Publicou un total de once traducións de libros escritos en búlgaro, catalán, galego e castelán. As súas traducións de Manuel Rivas publícaas Random House no Reino Unido e Overlook Press nos Estados Unidos, e foron nominadas para o Premio Internacional IMPAC, o Premio de Tradución Oxford Weidenfeld e o Premio Popescu para a Tradución de Poesía Euopea. Entre outros autores que traduce atópanse Carme Riera, Alicia Giménez-Bartlett e Enrique Vila-Matas. Escribiu dous libros, Even Though That e The DNA of the English Language. Dirixe a editorial Small Stations Press.