O acto terá lugar na carpa instalada na Alameda compostelá, e xunto co autor participan Carlos Lema, director de edicións de Galaxia, e Xosé Manuel Pereiro, xornalista.

Como xa fixera con Lorenzo Varela e Uxío Novoneyra, un ano máis Antón Lopo agasállanos coa biografía do autor homenaxeado no Día das Letras Galegas. O libro que presentamos é un achegamento a Pereiro a través das persoas que máis íntima relación mantiveron con el, pero tamén coas voces que se enfrontaron á análise da súa poesía ou que, dalgún xeito, o reivindicaron. O resultado é un libro con múltiples puntos de vista onde se profundiza na figura e na obra dun dos escritores que mellor representa a individualidade en procura de sentido na sociedade contemporánea.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR