Estás aquí:

Código: 2183

Chámome Vermello

Pamuk, Orhan

27,70 € IVE INCLUIDO

Unha novela maxistral

Esta novela, cuxa publicación en 1998 supuxo a consagración internacional de Orhan Pamuk, está a partir de agora ao dispor dos lectores e lectoras galegos. É a sexta novela do Premio Nobel de 2006 que se publica no noso idioma, todas elas na Biblioteca Compostela de Narrativa Europea, colección que Galaxia tira do prelo coa colaboración
do Concello de Santiago.

A fins da década de 1590, o sultán de Istambul encarga en segredo un gran libro: unha homenaxe á súa vida e ao seu imperio que os mellores pintores da época deberán iluminar... á maneira dos europeos. Mais, sen que se saiba a causa, un dos miniaturistas é asasinado. O pintor morto, foi vítima da rivalidade profesional, de celos amorosos ou do fanatismo relixioso? Alén dun misterio apaixonante, Chámome Vermello encerra unha meditación sorprendente sobre o amor, a dedicación á arte e as tensións entre o Oriente e o Occidente.

Velaquí algunhas opinións da crítica internacional:
"Esta novela é formalmente fantástica, ocorrente e asemade trata de cuestións fundamentais. [...] Pamuk transmite dun xeito totalmente convincente a textura emotiva, mental e física, da vida cotiá." (Dick Davis, Times Literary Suplement)

"Máis ca calquera outro libro que se me ocorra, capta non só as contradicións pasadas e actuais de Istambul, senón a súa terrible beleza atemporal. É case perfecto, noutras palabras." (Maureen Freely, New Statesman)

"Fabulosa, desconcertante, emocionante... Radicalmente distinta á novela histórica de misterio tradicional en Occidente... É unha novela prodixiosa, onírica, apaixonada e augusta, exótica no sentido máis orixinal." (Philo Hensher, Spectador)

Comparte nas túas redes sociais ou por email

Detalles do libro

Páxinas: 636

Deseño: Rústica con lapelas

Data Publicación: 31/10/2012

Dimensións 135 x 210 mm. mm.

Colección: Biblioteca Compostela de Narrativa Europea

Nº na colección:

Edición: 1ª

Editorial: Galaxia

ISBN: 978-84-9865-456-1

Observacións:

AUTORES/AS

Pamuk, Orhan

Orhan Pamuk (Istambul, 1952), é un dos máis destacados autores da literatura actual en lingua turca. A súa obra foi traducida a máis de 30 idiomas, e publicada nun centenar de países distintos. Ten recibido numerosos galardóns internacionais, entre eles o premio France-Culture, en 1995; o premio ao mellor libro estranxeiro do New York Times, en 2004 e o premio da Paz dos libreiros alemáns en 2005. O 12 de outubro de 2006, a Academia Sueca lle concedeu o Premio Nobel de Literatura en recoñecemento a toda unha traxectoria literaria así como polo seu compromiso en prol dos dereitos humáns, sendo así o primeiro turco en gañar un Premio Nobel. En 2012 foi condecorado polo Ministerio de Cultura francés coa insignia oficial da Lexión de Honra.

Publicou a súa primeira novela en 1982, mais a súa obra comezou a ter repercusión internacional con O castelo branco, agora tamén publicada en galego por Galaxia, e alcanzou a súa consagración definitiva en 1998 con Chámome Vermello. En galego, están publicados O libro negro (1990; Galaxia, 2011), Neve (2002; Galaxia, 2009) e Istambul (2003, Galaxia, 2008). A súa novela máis recente é O Museo da Inocencia (Galaxia, 2009).