Senlleiras
Ilustracións ESTHER S. RIVAS
Unhas vacacións máis, o misterio chama por Antón, Sabela, Iria, Carola e Venres, esta vez na Guarda. Seu pai ten que acudir a un congreso e toda a familia vai acompañalo, pero xusto o día da partida a avoa cae polas escaleiras e a nai queda para coidala no hospital. Ao chegar, descobren que nada é o que parece: quen fixo as reservas dos cuartos? Que é esa presenza estraña que senten de cando en vez? Que hai de certo na lenda da Laxe Sagrada do castro de Santa Trega? E se a avoa realmente non caeu, senón que... a caeron?
Terceira entrega da saga dos Misterios, coa que máis de 30.000 lectoras e lectores xa descubriron as súas habilidades detectivescas!
(Burela, 1991) é enxeñeira de Camiños, aínda que nunca exerceu a profesión. Entre os premios outorgados á súa obra atópanse o Certame de Microrrelatos Lonxa Literaria 2013, de Moaña, o Premio de Relatos Curtos Os Viadutos 2014, de Redondela, e o Certame Literario de Poesía e Narración Breve de Cambre (2016). Actualmente compaxina a escrita coa xestión dunha academia en Cecebre (Cambre), onde imparte obradoiros de escritura para rapazas e rapaces. O misterio de Portomarín é a súa primeira novela.
En 2018 gaña o Premio de Narrativa Illa Nova con Senlleiras, e en 2019 publica O misterio do torque de Burela.
