Movendo os marcos do patriarcado
PREMIO EDUARDO BLANCO AMOR
PREMIO NACIONAL DE NARRATIVA
Esta historia pasa na Coruña en 1863. Fala da vida de Sisca, unha rapaza de 15 anos que está na Galera, o cárcere de mulleres. Nesta novela aparecen personaxes históricas, como Concepción Arenal, que foi visitadora dos cárceres, e Juana de Vega, que a acompañaba. As dúas loitaron por mellorar a vida das persoas. A novela axuda a entender a nosa historia a través da historia de mulleres pobres, maltratadas e excluídas na Galicia do século 19. A novela conta as difíciles condicións de vida das mulleres nun ton poético, como é habitual nas obras de Marilar Aleixandre.
(Madrid, 1947) é feminista, narradora, poeta, tradutora e membro da Real Academia Galega desde 2017. Dona dunha das voces máis singulares das nosas letras, recibiu os máis importantes premios da literatura galega.
Desenvolveu un extenso labor académico na Universidade de Santiago e Compostela, centrando a súa investigación na argumentación e no pensamento crítico. Editorial Galaxia publicou o libro Mudanzas e outros velenos (2017), que reúne parte da súa obra poética; na colección Costa Oeste, Alí Babá, Morxiana e os corenta usureiros (2017) e A filla do minotauro (2018, Premio Raíña Lupa); na colección Literaria, A compañía Clandestina de Contrapublicidade (1998, Premio Álvaro Cunqueiro) e As malas mulleres (2021, Premio Eduardo Blanco Amor 2020 e Premio Nacional de Narrativa 2022); e, na colección Feminismos, Movendo os marcos do patriarcado. O pensamento feminista de Emilia Pardo Bazán (2021), xunto con María López Sández.
