O viaxeiro radical
Menu
Menu
ESGOTADO
Feldespato é un burro tan listo que aprende a pensar, a falar, a ler e a escribir.
O burro Feldespato acaba namorándose da súa dona, a meiga Marica Pendella. Pero ela está sempre durmindo e só esperta unha vez cada cen anos. Entón Feldespato viaxa polo mundo para coñecelo mellor.
Xerardo Quintiá (Friol, 1970) publicou os seus primeiros textos literarios na sección cultural “Táboa Redonda” de El Progreso (1988) e colaborou despois en revistas como Dorna ou Xistral. O seu primeiro libro, Finísimo po nas ás é de 1997. Dous anos despois, ve a luz Unha soa man e outros intres e, nos 2001 e 2002, Un rabaño de ovellas brancas e O libro dos aparecidos. No eido da literatura infantil, é autor de A verdadeira historia do burro Feldespato (2002) e de Ke-Tumba Ke-Tamba, finalista do Premio Raíña Lupa. Para primeiros lectores escribiu Titiritesa (2007). Como poeta, publicou Ailalalalelo de auga (2001); Poesía en ruta (Premio Fermín Bouza Brey 2007) e FORNELOS & FORNELOS, primeira fundación (Premio Fiz Vergara Vilariño 2011).
