Este mércores día 2 de outubro celébrase o Día Mundial da Parálise Cerebral para reivindicar os seus dereitos e lograr a súa inclusión real na sociedade. María Fumaça é un exemplo nesta loita social, un proxecto literario e musical que aporta optimismo sobre a discapacidade na infancia. Sen dúbida, un proxecto que nos enche de satisfacción. Co seu poder creativo, pensado para a integración e a felicidade, difunde a idea de que a discapacidade pode tamén ser vivida con normalidade e optimismo.
María Fumaça naceu do amor e a loita continua por axudar e facer feliz a Ruí, un rapaz con parálise cerebral. Un canto á vida que naceu como agasallo de nadal en forma de disco de parte da súa madriña Uxía Senlle, cantante galega, xunto con outros músicos amigos, para chegar a converterse nun dos traballos musicais e literarios máis importantes do momento.
O proxecto nace da man de Uxía Senlle, xunto co guitarrista Sergio Tannus, e numerosos artistas e amigos que conforman a gran familia de María Fumaça. Neste momento levamos publicados tres títulos. Informamos aos seus fans que este nadal haberá unha nova entrega de María Fumaça!
Menu
Menu
