Xa está aquí o novo libro de Xabier López López, Contrabiografía.
Publicada na colección Literaria, é unha biografía á contra ou non. Un texto da estirpe dos híbridos, o motor desta obra é unha navegación río arriba, unha pescuda das orixes da memoria familiar, unha historia real con trazas de traxedia grega que busca e recrea pontes, rías, pasadizos e viaxes de ida e volta, do Golfo Ártabro a América.
Podedes ler algúns capítulos premendo aquí.
O libro chegará durante esta semana ás librarías de Galicia.
Xabier López López (Bergondo, 1974) é autor dunha extensa obra narrativa que inclúe novelas como Doutor Deus (1999), A estraña estrela (2003), A vida que nos mata (Premio García Barros 2003), Trinta e dous dentes (2007), Cadeas (2013), Olympia Ring, 1934 (2014) e 900 (Premio Torrente Ballester 2018), ás que e engaden o libro de relatos Os libros prestados (2010). No ámbito da literatura infanto-xuvenil, publicou, Biff, bang, pow! (1997), Cando Artur non era rei (2012) e O segredo da vella librería (2018), entre outras. En castelán, obtivo en 2018 o Premio Juan March Cencillo de novela breve con Max & Franz. As súas obras foron traducidas para o castelán, o portugués, o inglés, o árabe e o chinés, e recibiu diversas distincións, como o Premio Risco de Literatura Fantástica, o Xerais de novela, o Premio da Crítica Española e o Lueiro Rey de novela curta.
