Naceu en Granada como o rei Boabdil e o poeta Federico García Lorca. Estudou xornalismo en Pamplona xa hai algún tempo e leva vivindo en Galicia varios anos. A súa verdadeira vocación, antes que ningunha outra, é a de lectora. Gústalle tanto ler que inventa historias e as escribe só polo pracer de lelas despois. Ela di que a unha illa deserta levaría papel e lapis, algo para protexer a súa cabeza do sol e un teléfono móbil para non deixar desatendida a toda a xente que quere.