(Ribadeo, 1955) Licenciado en Ciencias da Información pola Universidade Complutense, foi delegado da Axencia Efe de 1988 a 1996.

Publicou as súas primeiras viñetas en El Correo Gallego nos anos 80 e mantivo unha colaboración diaria en Galicia Hoxe durante cinco anos, ademais doutras en distintos medios como Galegos, Longalíngua e Efeverde, e a que mantén na actualidade en Galicia Confidencial.

Publicou Houston teneis un problema (2019), Santiago en Compostela (2020) e Aproximación á esquiva figura de Celestino Carballeira (2022), así como o primeiro capítulo da Historia Universal de Galicia (2012).