Titulado superior en música, Licenciado en Historia e ciencias da música e Doutor pola Universidade da Coruña. É autor de numerosos libros e artigos relacionados coa pedagoxía musical e a musicoloxía. Tamén destaca como relator en cursos de formación do profesorado. Actualmente imparte «Historia da música» no Conservatorio Superior de Música de Vigo, así como no «Máster de Investigación en Artes Escénicas» da Universidade de Vigo e no seu programa de doutoramento.