(Vilar de Barrio, 1984) é diplomado en Maxisterio Musical pola Universidade de Santiago e mestre de primaria. En coautoría con Alba De Evan publicou de forma conxunta a colección Naturizo, de educación ambiental, con dez títulos ata o momento. Son autores tamén de dous álbumes ilustrados: Fronteiras de papel e A superavoa de Antón. En banda deseñada estreáronse co guión de Miquits. No eido da novela infantil publican A bruxa Selana, A pulga espacial, Maxia de pedra e Segredos soterrados. Finalmente, escriben os biopoemas de Rosalía de Castro e Luis Seoane.

A título individual, Xabier publica o cd de cancións para cativos Unha animalada de colexio, en conxunto co músico Pakolas; e o biopoema de Monchiño de Magarelos, o xigante de Allariz, en coautoría con Miguel Anxo Alonso.