David de la Iglesia Pregal (Vigo, 1977) é director creativo, deseñador gráfico e fotógrafo. Naceu e traballa en Vigo, e a súa principal actividade céntrase no deseño gráfico e a fotografía comercial. Organizar, deseñar, desenvolver… crear. “Gústame o deseño sinxelo, creativo e con concepto. Pensar e deseñar despois”.

Durante máis de quince anos traballou en estudos de deseño ou como freelance e colaborou con variadas axencias de publicidade e márketing. Realizou proxectos para institucións gobernamentais e culturais e empresas de diferentes sectores (industrial, comercio, saúde, estética, turismo, hostalería e editorial, entre outros).