O xoves 5 de outubro, celebrarase, ás 18 h, no espazo Banda Deseñada, no Calvario de Vigo, unha sinatura arredor de O paso do noroeste, de Xavier Queipo e Primitivo Marcos.
Ás 19:30 h, celebrarase, na Casa del Libro, unha presentación arredor do mesmo título. Os autores, estarán acompañados por Marcos Calveiro, director de Edicións de Editorial Galaxia.
Ás 20 h, inaugurarase, en RioLagares, unha exhibición arredor do proceso creativo da obra, con todas as etapas da ilustración, de Primitivo Marcos.
