Autor/a destacado/a:
71 anos da Editorial Galaxia
23/07/21

Un 25 de xullo de 1950 celebrábase no bodegón do hotel Compostela, en Santiago, a asemblea fundacional de Editorial Galaxia. Quenes estaban alí compartían un soño que non entendía de limitacións ou dificultades. A base de valentía, forza e un compromiso férreo, creouse o que hoxe é a casa literaria de Galicia. Presidida por Ramón Otero Pedrayo,a aquela primeira xuntanza asistiron personalidades senlleiras do galeguismo, como Manuel Gómez Román, secretario do Partido Galeguista. Configurábase daquela o núcleo principal da resistencia cultural e política do galeguismo, obrigado á clandestinidade e ao exilio despois da Guerra Civil. Francisco Fernández del Riego, Xaime Isla Couto e Ramón Piñeiro, foron as tres personalidades que dende o primeiro momento orientaron a editorial, comprometida coa recuperación da lingua e da cultura galega, nos tempos difíciles da ditadura. Non estaban todos. Algúns non puideron asistir, entre outros Ramón Piñeiro, que viña de saír da cadea. Mais había representantes do exilio e da emigración, principalmente das colectividades galegas de Bos Aires e de Montevideo. Son só algúns dos nomes das personalidades que participaron para erixir este proxecto, que sempre entendeu a editorial como unha casa común para a cultura galega, ao servizo do país. Valores que seguen sendo a nosa razón de ser e que, incorporados aos tempos actuais, permanecen vixentes na editorial. Inspirada polo espírito da xeración Nós, Galicia e a nosa lingua sempre foron os seus principios e razón de ser. Unha busca compartida, por un grupo de intelectuais, que buscaban recuperar a actividade pública da cultura galega trala catástrofe da Guerra civil. O primeiro libro publicado por Galaxia foi Antífona da cantiga, de Ramón Cabanillas, que saiu do prelo en abril de 1951. O primeiro dun total de 4.000 títulos, ideados en favor á conformación da cultura galega e a resistencia cultural ao franquismo. Este é un proxecto de futuro que se fundamenta no noso compromiso coa lingua e a cultura galega. O noso catálogoestá cargado de clásicos, novidades, traducións da literatura universal e éxitos internacionais. Unha proposta que non deixa de medrar e actualizarse cos tempos que vivimos. Un proxectoque nace e medra na raíz máis profunda de Galicia.

Sinaturas na Feira do Libro da Coruña

María Canosa, Miriam Couceiro Castro, Marilar Aleixandre, Xurxo Souto, Pilar García Rego, Víctor Rivas, Xosé Tomás, Marta Dacosta e Xavier Queipo, son as autoras e autores que estarán asinando os seus últimos lanzamentos. En pleno verán chega a agardada Feira do Libro da Coruña, un evento ao que non poden faltar todas as amantes das letras. …

Visita de Âncora Editora a Galaxia

Onte mércores recibimos na sede da Editorial Galaxia a visita de António Baptista, director de Âncora Editora, casa editorial portuguesa e que se reuniu cos responsables da Editorial Galaxia dentro do plan de Internacionalización que estamos a desenvolver e que ten como obxectivo estreitar os lazos entre a literatura galega e a literatura portuguesa. No …

Presentación de “Soldados forzosos”, en Vigo

O xoves 29 de xullo, celebrarase, ás 19 h, a presentación de Soldados forzosos. A memoria esquecida da Guerra Civil Española, de Francisco J. Leira-Castiñeira, na Casa do Libro de Vigo. Acompañando o autor, estarán Pilar Mera Costas, Profesora de UNED Madrid, e Carlos Lema, director de edicións de Editorial Galaxia. Como o aforo é limitado, …

Galaxia publica “Viches iso?”, de José Arcas

A colección Lanterna de Aristóteles, de Editorial Galaxia, medra coa nova incorporación do título Viches iso? Un singular percorrido pola vida das aves invisibles, de José Arcas. Un libro singular, moi intuitivo e ameno que axuda a comprender o mundo que existe ao noso carón. Unha chamada de atención a erguer a cabeza, facendo un percorrido …

A Editorial Galaxia publica “O asubío do avó”

Unha historia de Ángeles Goás, ilustrada por Leandro Lamas. Publicada na colección Álbum de Editorial Galaxia, O asubío do avó amosa o amor dun neto polo seu avó. Un avó que posúe unha particularidade especial, o seu fabuloso asubío. “…levaba música dentro, por iso o seu asubío era o mellor do mundo”. Unha historia sensorial que nos …

Alberto Lema gaña o XXXIII premio de novela Manuel García Barros

O xurado do premio de Novela Manuel García Barros composto por Anxos Sumai, Carmen Ferreira, Carlos Lema, Armando Requeixo e Carlos Loureiro, en calidade de secretario fallou, na mañá de hoxe mércores a trixésimo terceira edición deste premio que foi, por maioría, a parar a mans de Alberto Lema pola obra “Pazo de inverno”. O …

Presentación de “Os mundos de agora”, en Ourense

O xoves 22 de xullo, celebrarase, ás 20:30 h, no Centro Cultural Marcos Valcárcel de Ourense, dentro da programación do ‘Foro La Región’, a presentación do libro Os mundos de agora, de Lois Oreiro. Baixo o título de OS ROBOTS NON PENSAN NIN AMAN, INFLÚEN. Intelixencia artificial e implantes tecnolóxicos que condicionan o humano,  Marcus Fernández, webmáster de …

A Editorial Galaxia publica “Notas sobre a extinción”, de Marta Dacosta

Este poemario nace da capacidade de asombrarnos e descubrimos a fermosura das pequenas cousas. Marta Dacosta ofrece en “Notas sobre a extinción” a opción de comprobar que a poesía é quen de borrar os límites do tempo e o espazo. Arquitecta da palabra, a autora crea un universo do máis persoal e sensorial ao que …

Pasamento de Xerardo González Martín

Con gran pesar recibimos a noticia do pasamento do escritor e xornalista Xerardo González Martín, hoxe, en Vigo. ⁣ ⁣ Home comprometido coa cultura, foi redactor xefe de Radio Popular e director de El Correo Gallego, Antena 3 e Televigo. Implicado coa realidade do país, participou en política na etapa da transición, desenvolvendo o posto …

Presentación de “H2… Oh!!! Pingas científicas”, na Coruña

O venres 16 de xullo, celebrarase, ás 19 h, na Sala Leonardo da Vinci, da Domus da Coruña, a presentación de H2… Oh!!! Pingas científicas, de María Canosa, ilustrado por Luz Beloso. Acompañando a autora, estarán Patricia Barciela, directora da Domus, e Francisco Castro, director xeral de Editorial Galaxia. O novo traballo de María Canosa é un libro singular, …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR