Najla Shami naceu en Santiago de Compostela de pai palestino e nai galega. Dende moi pequena tivo moito interese pola música, afección que lle vén tamén de familia. Con nove anos empeza os seus estudos no Conservatorio de Ourense, centrándose na voz, a guitarra e o piano. Aos 17, e da man de Ramón Bermejo, entra a formar parte de ‘Fía na Roca’. Ao longo da súa formación, ten feito moitos cursos de improvisación musical en distintas partes do mundo, o que completa o seu traballo, nos directos, de versátil compositoria. Jazz, funk, batucada… nada escapa ao seu traballo e ao seu interese. Autora de varios traballos de éxito, ‘Na lingua que eu falo’ é a súa primeria colaboración coa Editorial Galaxia.