(Bamiro-Vimianzo, 1972) é licenciado en Filoloxía Galego-Portuguesa e traballa como asesor lingüístico no mundo audiovisual. Ademais dedica o seu tempo á divulgación da Costa da Morte, á que dedicou varias obras, entre elas o Vocabulario de Soneira de Francisco Romero Lema (2000), A feira de Baio (coautor, 2007), A Terra de Soneira, no corazón da Costa da Morte (coautor, 2010), Dicionario de escritores e escritoras da Costa da Morte (2011), Textos literarios sobre a Costa da Morte (2011), e 50 anos da historia do fútbol da Costa (1964-2014) (2015). Os emigrantes deste territorio tamén foron obxecto de estudo en publicacións  como As historias de Pepe de Xan Baña (2007) ou Pepe Collazo. Obra poética (en imprenta), ademais de diversos artigos en revistas especializadas e no seu blog noherbalazurdoceo.