É unha banda composta por Irene Quinteiro, Miguel Alonso e Óscar Martínez, na que tamén colabora Manu Pazos. Naceu durante o ano 2019 e percorreu gran parte da xeografía galega cos seus contacontos musicais e concertos en formato eléctrico. Neste proxecto combinan contos e cancións de creación propia, con especial fincapé na diversidade e a integración, e cunha perspectiva de xénero e de fomento da nosa lingua. Cambia o conto (Galaxia, 2022) é o seu primeiro libro-disco.