É unha das principais responsables do salientable espazo que hoxe ocupa a literatura infantil e xuvenil brasileira. Tivo unha participación fundamental nesa conquista. En máis de trinta anos de carreira, creou personaxes inesquecibles, argumentos fascinantes, sempre innovando a linguaxe e mantendo a alta calidade literaria e artística nos seus textos. A partir da herdanza deixada por Monteiro Lobato, construiu unha obra que trascende o mundo infantil ou xuvenil e penetra nas universidades e na crítica especializada, dando orixe a tese de doutoramento, reportaxes e premios de recoñecemento en todo o mundo.
En 2000, Ana María Machado recibiu, polo conxunto da súa obra, o premio internacional Hans Christian Andersen, cosiderado o Nobel de literatura para o lectorado infantil e xuvenil. E, en 2003, resultou elixida para a cadeira número I da Acamedia Brasileira de Letras.