Naceu en Fene, en 1965. Actualmente traballa como xornalista, ademais de cultivar a fotografía e a literatura. Neste ámbito creativo publicou a súa primeira obra, a novela curta Morgado, en 1997. O corazón portugués, unha novela situada no universo imaxinario da Terra de Escandoi, foi proclamada finalista na terceira edición do Premio Carlos Blanco de Narrativa Galega e Portuguesa que convocan o Eixo Atlántico e a Asociación Galega de Editores.