(Mánchester, 1849 – Nova York, 1924) foi unha escritora británica nacionalizada estadounidense. Tras á morte do seu pai e polas dificultades económicas que pasaba a familia, emigraron aos Estados Unidos en 1865, onde Frances axudou á economía familiar escribindo poemas e relatos en revistas femininas. Tras publicar algunhas obras teatrais e novelas, o éxito chegoulle en 1885 con O pequeno lord, ao que seguiron A princesiña (1905) e O xardín secreto (1910), que conforman a súa triloxía dirixida ao lectorado máis novo, entre outras moitas obras, onde queda reflectida a súa difícil traxectoria vital (penurias económicas, a emigración, varios divorcios, a morte do seu fillo maior, a sociedade puritana en que vivía) e as súas lecturas favoritas.

Mary Lennox é unha consentida rapaza que, tras a morte dos seus pais na India debido a unha epidemia de cólera, vai vivir co seu tío Archibald Craven, viúvo e cun fillo enfermo, na súa agoniante mansión de Yorkshire, xunto coa estrita ama de chaves Medlock.