Ánxela nace en Castroverde (Lugo). Estudou Filoloxía Galega na Universidade de Santiago. Cinco títulos ten xa publicados desde o ano 1999. No 2005 debutou en Galaxia con A toupiña cegarata.

Autora de literatura infantil e xuvenil, traduciu Memorias de Hadrián de Marguerite Yourcenar e a diversos autores de literatura infantil ao galego. Desde 1996 traballou no Servizo de Tradución da Xunta de Galicia.

De 2004 a 2013 desenvolveu o seu traballo en Sotelo Blanco Edicións dirixindo as coleccións Docexvintedous, Medusa Narrativa, Medusa Ensaio, Arlequín Teatro e Biblioteca Roberto Vidal Bolaño.

Tamén foi vicepresidenta da Asociación Galega de Literatura Infantil e Juvenil (Gálix), coordinando actividades como o Club de Lectura Gálix tendendo redes, que trazou unha panóramica sobre a literatura xuvenil.

Ademais foi a encargada de representar a Revista Fadamorgana na selección anual que levaba a cabo a Red de Selección de la Fundación Germán Sánchez Ruipérez para elaborar un Catálogo Anual dos 100 Mellores Libros de literatura infantil e xuvenil.

En 2018 gañou o XV premio Pura e Dora Vázquez de narración da Deputación de Ourense.