Profesor de lingua galega e literatura no ensino secundario, é autor de relatorios, artigos e recensións sobre literatura e lingua galegas, ademais de material didáctico e libros de texto. No eido literario, recibiu premios como o I Certame de Relato Curto Cidade Vella (1988), o Premio de Narración Curta no I Certame Literario e de Investigación Terra de Melide (2001) e o do Certame de Narracións Manuel Murguía (ex aequo, 2002). Algúns dos seus textos están recollidos en obras colectivas como De soños e memorias (2003) e Muralla de Crescornio (1989).