Xornalismo literario e de opinión. Pensamento activo nas páxinas dos xornais. O presente volume, aínda que admite unha lectura autónoma, complementa o correspondente ás biografías de vinte xornalistas que editamos nesta mesma colección. A escolma de textos non só permite unha visión máis rica dos autores senón que, en conxunto, constitúe unha moi ilustrativa panorámica da historia da sociedade galega nos últimos douscentos anos.
A presente escolma inclúe unha ampla selección de traballos de Manuel Pardo de Andrade, Concepción Arenal, Alfredo Vicenti, Emilia Pardo Bazán, Alfredo Brañas, Sofía Casanova, Basilio Álvarez, Antón Villar Ponte, Julio Camba, Xoán Xesús González, Wenceslao Fernández Flórez, Manuel Lustres Rivas, María Luz Morales, Roberto Blanco Torres, Ben-Cho-Shey, Víctor Casas, Johán Carballeira, Ánxel Fole, Luís Seoane e Álvaro Cunqueiro.
