Territorio da desaparición

Miguel Anxo Fernán Vello

Unha chamada a prol da esperanza nun tempo de desacougo.

Territorio da desaparición reúne o traballo de creación desenvolvido por Miguel Anxo Fernán Vello durante os últimos anos, o poemario é unha chamada á resistencia a través da palabra, que na obra de Fernán Vello é o lugar da emoción pero tamén da loita contra o esquecemento. O libro é o primeiro des que, no ano 1996, publicara As certezas do clima. Co título de Territorio da desaparición, o poeta fai unha chamada a prol da esperanza nun tempo de desacougo e lenta descomposición das arelas de progreso ao que a poesía non debe permanecer indiferente.

Inmigrantes, exiliados e repatriados constitúense en protagonistas dun territorio no que a derrota e a ameaza do baleiro pretenden impoñerse e no que os poetas «sobreviven na voz impenetrábel da paciencia». Nese mesmo espazo metafórico e literario, a escritura do propio poema acaba por ser a auténtica esperanza. Miguel Anxo Fernán Vello traza os lindes poéticos dun territorio ermo cada vez máis presente no noso tempo. A súa voz, unha das máis singulares da poesía galega contemporánea, teima na poesía como palabra que nos esperta e outorga ás cousas unha verdade firme e necesaria.

Recensións


Detalles

  • Páxinas : 108
  • Deseño : Rústica con lapelas
  • Dimensións : 120 x220 mm.
  • Data Publicación : 2004-07-21
  • Colección : Dombate (Poesía)
  • Editorial : Galaxia
  • ISBN : 978-84-8288-719-7
  • Edición : 1

Noticias relacionadas


Obras do autor en catálogo


Actividades relacionadas


Novidades

As filloas de ManolaR. J. PeraltaBlanca Millán
CornucopiaRaúl M. Santos

Fernán Vello, Miguel Anxo
Escritor e editor nacido en Cospeito en 1958. Fundador de Edicións Espiral Maior (1991). Entre os títulos que compoñen a súa obra poética destacan A tertulia das máscaras, Do desexo en corpo e sombra, Poemas da lenta nudez e As certezas do clima (Premio Poesía Martín Codax 1996). Como dramaturgo é autor de A casa dos afogados.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR