22,95€

mercar

Tempo de incertezas

Alain-G. Gagnon

Ensaios sobre federalismo e diversidade nacional

Por múltiples razóns, as nacións minoritarias en busca de recoñecemento e de homologación teñen que superar, hoxe máis ca nunca, numerosas probas. A desconfianza das nacións grandes, os prexuízos das organizacións internacionais, que son máis favorables á estabilidade dos réximes xa establecidos, a fragmentación das colectividades arredor de proxectos plurais e a división das forzas políticas responsables das reivindicacións nacionais son algunhas delas. Malia ser esencial unha política a prol do recoñecemento das reivindicacións nacionais para que poidan existir unhas relacións sas entre nacións, compre que os estados con diversidade nacional dean un paso adiante instaurando unha política de acomodación máis flexible. Inspirada en investigacións sobre o federalismo multinacional, esta obra de Alain-G. Gagnon abre un debate sobre os motivos polos que os cidadáns necesitan institucións comúns para profundar no exercicio democrático e acrecentar os cambios intercomunitarios.

Recensións


Detalles

  • Páxinas : 228
  • Deseño : Rústica con lapelas
  • Dimensións : 135 x 210
  • Data Publicación : 2016-10-03
  • Colección : Ensaio
  • Editorial : Galaxia
  • ISBN : 978-84-9865-726-5
  • Edición : 1

Noticias relacionadas


Obras do autor en catálogo


Actividades relacionadas


Novidades

As filloas de ManolaR. J. PeraltaBlanca Millán
CornucopiaRaúl M. Santos

Gagnon, Alain-G.
Catedrático de Ciencia Política no departamento de Ciencia Política da Universidade do Quebec, en Montreal, é titular da cátedra de investigación do Canadá en estudos quebequeses e canadenses. Tamén é director do Centro de Investigación Interdisciplinaria sobre a Diversidade e da Democracia (CRIDAQ) no Québec e coordinador do Grupo de Investigación sobre as Sociedades Plurinacionais. Recibiu o Premio Josep Maria Vilaseca i Marcet, concedido polo Instituto de Estudos Autonómicos da Generalitat de Cataluña, pola súa obra Au-delà de la nation unificatrice: plaidoyer pour le fédéralisme multinational, e tamén o Premio Marcel-Vincent, entregado pola Asociación Francófona para o Saber. Cómpre salientar a súa achega científica. En 2008, recibiu o Premio de excelencia da Sociedade Quebequesa de Ciencia Política e foi elixido membro da Sociedade Real do Canadá. En 2010, obtivo a Cátedra de Excelencia Santander da Universidade Carlos III de Madrid. O mesmo ano, mereceu o prestixioso Premio Trudeau, concedido pola Fundación Pierre Elliott Trudeau polo seu liderado científico.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR